మొన్నటి వరకూ మన కళ్లముందు తిరిగిన వ్యక్తి హఠాత్తుగా మనకి దూరమై వెళ్లి పోతే జీర్ణించుకోవడం చాలా కష్టం. ఇల్లు మారిపోయిన మనుషుల్లా మిగిలిన వారు కొత్త ఫీలౌతారు.ప్రతి అడుగూ సంశయమే.ధైర్యాన్ని కోల్పోయిన పిల్లలు మనసు చిక్కబట్టుకొని అన్ని కార్యక్రమాలు పూర్తి చేశారు. పాపం భార్య అతి ఏహ్యమైన కార్యక్రమానికి కూడా తల ఒగ్గింది.తరతరాలుగా జరుగుతున్న ఈ హింస ఈ సారి కూడా కొనసాగింది. ఎన్ని ప్రశ్నలో చిన్నపిల్లలకు. సమాధానం దొరకదు.
